Urrugne.info  

   Urru ñako argibideak

  Urruñarren webgunea

 Le site web desUrruñar
Urruñako argibideak zuzenean     les informations sur Urruña en direct       gure hautetsien ikusmoldea     le point de vue de nos élus    
                          Bertsu Berreizketa

Urtarrilaren 29an Berttolin emanak izanen diren bertsu batzuk:

Xabier Amurizari Amets Arzallusek 

1 -Munduratu zinen garbi                                          seminarioa kabi                                                                 baina han hasi egan egiten                                                         han hasi kantari;                                                          sotanadun bertsolari                                                               ta prakadun sermoilari,                                                         bizarrik gabe jaio bazinen                                                Anbotoko Mari 

2-Apaiz rebelde Gogor-a,                                                   gogorra baina bizkorra                                                     izatearren jarri zizuten kartzela zigorra.                                 Handik atera zen horra                                                        hitz errimatuen obra;                                                         gartzelan ere denbora falta                                                        eta lana sobra. 

3-Xabierren bertso goldeak                                                 aldatu ditu moldeak,                                                         nahiz ta baduen lizentzi hori                                            txapeldun dobleak,                                                            baziren txistu joleak,                                                            asko Lizaso zaleak                                                              nahi dituenak Enaz banaz-en                                           dauzka seinaleak. 

4-Bide berriei jarraika                                                       urrutira joaten baita,                                                       komunioa emandako bat                                                   hartu andregai ta                                                                emazte bezala maita,                                                            alaba bat ere baita,                                                      lehenago Padre Don Javier zena                                        orain Xavier aita 

5-Etxea edo eliza,                                                                 kupela edo kaliza,                                                                 apaiz, idazle, zein bertsolari                                                  beti langai hitza.                                                                     Berdin da kazetaritza                                                           edo politikagintza,                                                                 dena bi hitzez laburbiltzen da:                                               Xabier Amuriza
                       

    SEBASTIAN LIZASO          Doinua ; Mutil Koxkor bat.

-1-Sei kilorekin munduratua,                                                  bere azpeitiarrean...                                                         Txofer fanfarroi, auto erraldoi                                              berri eta azkarrean...                                                            Esaldi baten hamar « oztia ! »                                             tartekatu beharrean....                                                         Bost txanpain litro, lau montekristo,                                  bertso-afari bakarrean...                                                    Inork baleki zer egin duen                                                  neurri estandarrean...

-2-Andrearekin ezkondu eta                                                   bi ume izandakoa                                                                baina Andoni Eganarekin                                                           bizi da Landetakoa,                                                          aitaren gisan atera baita                                                    bertsolari puntakoa,                                                           metro bateko azal lodia                                                   dutenak bezalakoa,                                                              lanbide asko probatua ta                                                            lan gutxi egindakoa. 

-3-Bisai gorri ta ahots ozenak                                              iraun arren aroz-aro                                                         plazaz-plazako mende herena                                                   ez da alferrik igaro.                                                            Garai batean dena zen gaua,                                                   neska, puru eta trago,                                                         orain mendira abiatzen da                                                 festara baino gehiago :                                                        inork ez zuen usteko baina                                                Lizaso bizirik dago ! ! !